काठमाडाैं । नेपाल राष्ट्र बैंकले बैंक तथा वित्तीय संस्थाहलाइ साविककै समयमा बैंकहरू खाेल्न निर्देशन दिएकाे छ । बैंककाे नियमन विभागले आइतबार एक सूचना जारी गर्दै सोमबारबाट साविकको कार्यालय समय बमोजिम नै बैंक तथा वित्तीय संस्थाको सेवा सुचारु गर्न निर्देशन दिएको हाे ।
यस्तै, बैंक तथा वित्तीय संस्थाले बढी भिडभाड हुने कार्यालयहरु भने दुई सिफ्टमा सञ्चालन गर्न केन्द्रिय बैंकले निर्देशन दिएको छ । यस्तै, बैंकहरूमा स्वास्थ्य सुरक्षाका सामग्रीहरूकाे प्रयाेग गरी ग्राहकलाई लामबद्द रूपमा लाइनमा राख्न निर्देशन दिएकाे छ ।
जेठ २८ गतेको मन्त्रीपरिषदको निर्णय अनुसार असार १ गतेदेखि सेवाग्राहीको चापको मूल्यांकन गरी बढी भिडभाड हुने ठाउँमा आवश्यकता अनुसार सिफ्ट वाइज वर्कको व्यवस्था गरी बिहान ८ बजेदेखि साँझ ८ बजेसम्म सेवा प्रदान गर्ने सुनिश्चितता गर्नुपर्ने राष्ट्र बैंकको सुचनामा उल्लेख छ ।
यस्तै बैंकले याे समयमा बढी भन्दा बढी डिजिटल काराेबारलाई प्राेत्साहन गर्न पनि सम्पूर्ण बैंक तथा वित्तीय संस्थाहरूलाई निर्देशन दिएकाे छ ।
सम्बन्धित समाचार:
२ सिफ्टमा बैंक खोल्ने सरकारी निर्णयकाे विपक्षमा बैंकर्स, राष्ट्र बैंकमा पुग्याे लविङ
बैंक, बीमा र सहकारी २ सिफ्ट चलाउने नौटंकी बन्द गर
