काठमाडौं । सनराइज बैंकले आफ्नो ग्राहकलाई डिजिटल बैंकिङ्ग प्रयोग गर्न प्रोत्साहन गर्दै घरबाटै मुद्दती खाता खोल्न सकिने व्यवस्था गरेको छ । उक्त मुद्दती निक्षेप खातामा उच्च ब्याज पाइने व्यवस्था गरिएको बैकले जनाएको छ ।
ग्राहकले बैंकको ‘सनराइज स्मार्ट’ बाट अनलाइन मुद्दती खाता खोल्न सक्नेछन् । यससँगै लकडाउनका कारण घरमा बस्न बाध्य भएका आफ्ना निक्षेप कर्ता ग्राहकहरुले आफ्ना बचत खातामा रहेको रकमलाई मुद्दती निक्षेपमा स्थानान्तरण गरी थप ब्याज आम्दानी गर्न सक्नेछन् ।
यस्ता छन् विशेषता
सर्वाधिक उच्च ब्याज ८.२५ प्रतिशत ब्याजमा ०.५० प्रतिशत प्रिमियम ब्याज थप गरी प्रदान गर्ने व्यवस्था गरिएको बैंकले जनाएको छ । यस मुद्दती खाताको अवधि न्यूनतम ३ महिना रहेको छ । बैंकको सनराइज स्मार्ट प्रयोग गरी सजिलै खोल्न सकिने यस मुद्दती खातामा कुनैपनि अतिरिक्त शुल्क नलाग्ने कम्पनीले जनाएको छ ।
कसरी खोल्ने ?
बैंकका अनुसार ग्राहकहरुले घरबाटै सन््राइजको मोबाइल बैकिङ्ग प्रयोग गरी सरल रुपमा मुद्दती निक्षेप खाता खोल्न सकिनेछ । सनराइज स्मार्ट बैकिङ्ग प्लेस्टोेर अथवा एप स्टोरबाट सजिलै डाउनलो गरी आफै रजिस्टर गर्न सकिने छ ।
ग्राहकहरुले सनराइजको मोबाइल बैकिङ्ग(सनराइज स्मार्ट) प्रयोग गरी बैंक रकम स्थानान्तरण, बिजुली महसुल, खानेपानी महसुल, हवाई टिकट, ईन्टरनेट सेवा, बीमा तथा टेलिफोन शुल्क लगायतका भुक्तानीहरू घरबाटै निःशुल्क गर्न सकिने बैंकले जनाएको छ ।
