काठमाडौं । आन्तरिक राजस्व विभागले कात्तिक महिनाको पहिलो पाक्षिक करदाता प्रोत्साहन पुरस्कार कार्यक्रमका विजेता आज घोषणा गर्ने भएको छ ।
कात्तिक १ देखि १५ गतेसम्मको अवधिका लागि १५ जना नियमित विजेता र एक जना बम्पर विजेता गरी कुल १६ जनाको नाम सार्वजनिक गर्न लागिएको हो ।
विभागका अनुसार पुरस्कार विजेता छनोट कार्यक्रममा नेपाल प्रिमियर लिग (एनपीएल) खेलिरहेका क्रिकेट खेलाडी सहभागी हुनेछन् । उनीहरूको सहभागितामा विजेता छनोट गरिने विभागले जनाएको छ ।
विजेता घोषणा कार्यक्रम आज बिहान ९:३० बजे अर्थ मन्त्रालयको सिंहदरबारस्थित सुवर्ण हलमा आयोजना हुँदैछ ।
