काठमाडौं । नेपाली बजारमा सोमबार (आज) पनि सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार सोमबार सुनको मूल्य प्रतितोला ३ लाख १३ हजार ५ सय रुपैयाँमा कारोबार भइरहेको छ ।
अघिल्लो दिन आइतबार ३ लाख १० हजार ३ सय रुपैयाँमा कारोबार भएको सुन आज तोलामा ३ हजार २ सय रुपैयाँले बढेको हो ।
यस्तै, सोमबार चाँदी प्रतितोला ५ हजार ५ सय ९५ रुपैयाँमा कारोबार भइरहेको छ । आइतबार चाँदी ५ हजार ४ सय २५ रुपैयाँमा कारोबार भएको थियो । सोमबार चाँदी पनि तोलामा १ सय ७० रुपैयाँले बढेको हो ।
