काठमाडौं । देवः विकास बैंकको साढे तीन लाख कित्ता सेयर संस्थापकले नै नकिनेका कारण लिलाम बढाबढमा विक्री हुने भएको छ ।
यो बैंकले गत माघ ९ गतेदेखि फागुन २७ सम्म खुला गरेको हकप्रद सेयर विक्रीमा संस्थापककै चासो कम देखिएको छ ।
यो बैंकले संस्थापक समूहको ३ लाख ५६ हजार २९७ कित्ता सेयरको न्युनतम एक सय रुपैयाँ कबोल गर्ने गरी विक्रीमा राखेको सूचाना जारी गरेको छ ।
यो सेयरमा आवदेन दिन यही जेठ २८ गतेबाट असार १ भित्र आवेदन दिइसक्नुपर्ने छ । यसको विक्री प्रवन्धक एनआईबीएल क्यापिटल मार्केट्स हो ।
